Fáilte roimh Mhic Léinn Sparánachta 2025 chuig Foras na Mara

Cuireann láithreacha Fhoras na Mara in Órán Mór, Co. na Gaillimhe, agus i bPoill Nua, Co. Mhaigh Eo, fáilte roimh 18 mac léinn ollscoile an mhí seo chun páirt a ghlacadh i gclár Sparánacht an tSamhraidh 2025. 

Cuireann an Clár Sparánachta ar chumas mic léinn fochéime taithí phraiticiúil a fháil ar feadh tréimhse ocht go dhá sheachtain déag, agus an deis a bheith páirteach i ngníomhaíochtaí laethúla taighdeoirí agus eolaithe ag Foras na Mara. 

Oibreoidh mic léinn Sparánachta na bliana seo i réimsí ar nós tógáil éisc, sampláil éisc, monatóireacht éiceolaíoch, bainistíocht sonraí, bailiú sonraí aigéaneolaíochta, geilleagar aigéin, cumarsáid, agus sainaithint speiceas trí fhoghlaim meaisín. 

“Thugmo sparánacht deis dom léargas ceart a fháil ar an obair atá ar siúl san Institiúid trí oibriú taobh leis an bhfoireann Iascaigh, agus bhí an deis agam cabhrú leis an soitheach taighde VESSEL Celtic Explorer a ullmhú le dul amach ar an bhfarraige!” a dúirt Aisling English, Mac Léinn Sparánachta 2025 i Sampláil Iascaigh. “Bhí ansparánacht seo an-tairbheach chun mo scileanna saotharlainne agus mo thuiscint ar an tionscal muirí a fhorbairt, agus beidh an obair phraiticiúil a dhéanaim anseo an-tairbheach dom.”

Mar chuid den Chlár Sparánachta, roinnfidh mic léinn an taithí agus na scileanna a fuair siad le linn a socrúcháin trí thaispeántais póstaer agus cur i láthair do bhaill foirne Fhoras na Mara agus do chomh-mhic léinn Sparánachta ag lá seimineáir tiomnaithe.

“Is é an buaicphointe is mó den sparánacht go dtí seo an samhradh seo ná bualadh leis na mic léinn Sparánachta eile, agus le go leor daoine nua a bhfuil suim acu sna réimsí céanna liomsa, chomh maith le feabhas a chur ar mo scileanna i réimsí éagsúla,” a dúirt Aoife Quinn, Mac Léinn Sparánachta 2025 i mBainistíocht Sonraí.

Dúirt an Dr Rick Officer, Príomhfheidhmeannach Fhoras na Mara, “Bunaíodh Clár Scoláireachtaí Sparánachta Fhoras na Mara breis agus 30 bliain ó shin. Leanann sé ar aghaidh ag cur deiseanna ar fáil do mhic léinn fochéime a gcuid scileanna a fhorbairt agus a n-eolas ar earnáil na mara a neartú.

“Cumasaíonn an Clár do mhic léinn idirghníomhú le foireann na hInstitiúide agus le comh-sparánaithe chun a gcuid eolais a fheabhsú, agus líonraí a thógáil dá ndul chun cinn amach anseo.” “Cuidíonn sé seo le mic léinn cinntí eolasacha a dhéanamh go luath ina gcuid staidéir i leith na gairmeacha mara agus muirí ar mhaith leo a leanúint.”arsa an Dr. Officer freisin. 

Tugann an Clár Sparánachta deiseanna do mhic léinn páirt a ghlacadh in eolaíocht mhuirí agus i réimsí gaolmhara agus cur leis an obair go gairmiúil sula gcríochnaíonn siad a gcuid oideachais tríú leibhéal.

“Chríochnaigh go leor baill foirne reatha agus iar-bhaill foirne Fhoras na Mara Sparántachtaí as a gcinneadh gairm bheatha a shaothrú laistigh den earnáil mhuirí” a dúirt Joe Silke, Stiúrthóir agus comhordaitheoir Chlár na Sparántachtaí. “Tá roinnt Sparántachtaíroimhe seo tar éis dul chun cinn i réimse gairmeacha beatha i réimsí éagsúla mara, ach freisin laistigh de na gairmeacha beatha níos leithne san Eolaíocht, sa Teicneolaíocht, san Innealtóireacht agus sa Mhatamaitic (STEM), bunaithe ar a léargas agus a dtaithí a fuair siad ó thaithí Sparántachtaí Fhoras na Mara”. 

Tá Clár Sparánachta Samhraidh Fhoras na Mara ar fáil do mhic léinn fochéime ó Institiúidí Oideachais Tríú Leibhéal a bhfuil dhá bhliain nó níos mó staidéir críochnaithe acu i ndisciplín ábhartha. Osclófar iarratais ar Sparánacht an tSamhraidh 2026 san earrach 2026 agus fógrófar iad ar shuíomh gréasáin Fhoras na Mara.

CRÍOCH

Chun tuilleadh eolais a fháil, déan teagmháil le:

Kathleen Sweeney, r. Kathleen.Sweeney@marine.ie m. +353 (0)87 094 5754

Sinéad Coyne, r. sinead.coyne@marine.ie m. +353 (0)87 947 7090

An Oifig Cumarsáide, Foras na Mara communications@marine.ie uimhir theileafóin +353 (0)91 387 200

Faoi Fora na Mara:

Is é Foras na Mara gníomhaireacht eolaíochta na hÉireann atá freagrach as tacú le forbairt inbhuanaithe limistéar agus acmhainní muirí ana hÉireann. Déanann an Foras taighde feidhmeach agus cuireann sí faisnéis eolaíoch, comhairle eolaíoch agus seirbhísí eolaíocha ar fáil don rialtas, don tionscal agus do gheallsealbhóirí agus d’úsáideoirí eile. www.marine.ie