An Dr Glenn Nolan i gceannas ar Sheirbhísí Comhshaoil Mhuirí agus Sábháilteachta Bia ag Foras na Mara

Cheap Foras na Mara an Dr Glenn Nolan ina Stiúrthóir ar Sheirbhísí Comhshaoil Mhuirí agus Sábháilteachta Bia (MEFSS).

Beidh an Dr Nolan i gceannas ar fhoirne atá ag obair i Sláinte Éisc, Ceimic Chomhshaoil Mhuirí, Sábháilteacht Sliogéisc, Rialú Cáilíochta, Seirbhísí Comhairleacha Eolaíochta agus Ceadúnúcháin Benthos, agus Pleanáil Spásúil Mhuirí. Díreoidh sé ar a chinntiú go n-oibreoidh na seirbhísí sin go dlúth le chéile agus ar fhorbairt leanúnach an tsaineolais eolaíoch agus chomhairligh a chothú. 

“Is mór an onóir dom a bheith ag obair i gcomhar le comhghleacaithe mar Stiúrthóir ar Sheirbhísí Comhshaoil Mhuirí agus Sábháilteachta Bia agus muid ag iarraidh feabhas a chur ar na seirbhísí a chuireann Foras na Mara ar fáil do réimse leathan cliant agus úsáideoirí ar fud réimse na mara in Éirinn,” a dúirt an Dr Nolan. 

Bhain sé céim amach san aigéaneolaíocht in Ollscoil na Gaillimhe, agus chuaigh an Dr Nolan isteach i bhForas na Mara in 2003. Tá tionscadail shuntasacha taighde agus forbartha mara faighte ag a chuid ranníocaíochtaí, arna gcistiú trí chláir náisiúnta agus Eorpacha amhail Interreg, Creat 7, agus Fís 2020. Bhí na tionscadail taighde sin ríthábhachtach chun cumais breathnóireachta agus réamhaisnéise aigéin na hÉireann a chur chun cinn.

Anuas ar a ghairm san eolaíocht, thacaigh an Dr Nolan freisin le forbairt pobail mar Chathaoirleach ar SCCUL Enterprises CLG, ag cur tacaíocht ar fáil do ghnólachtaí áitiúla chomh maith le seirbhísí sóisialta agus folláine ar an taobh thoir de Chathair na Gaillimhe. Leanann sé ag roinnt a chuid saineolais trí róil mhúinteoireachta in Ollscoil Teicneolaíochta an Atlantaigh agus in Ollscoil Mhálta, áit a dtugann sé léachtaí ar eolaíocht mhuirí ag leibhéil fochéime agus iarchéime araon.

“Tugann Glenn saibhreas taithí in eolaíocht agus tionscal mara agus comhshaoil na hÉireann agus go hidirnáisiúnta,” a dúirt an Dr Rick Officer, POF Fhoras na Mara. “Beidh a léargas straitéiseach agus a saineolas gairmiúil ríthábhachtach chun ár misean a chur chun cinn chun comhshaol muirí na hÉireann a chosaint agus chun seasamh leis na caighdeáin is airde maidir le sábháilteacht bia mara.”

 

CRÍOCH

Chun tuilleadh eolais a fháil, déan teagmháil le:

Kathleen Sweeney  ríomhphost: kathleen.sweeney@marine.ie | uimhir fóin póca: +353 (0)87 094 5754

Sinéad Coyne  ríomhphost: sinead.coyne@marine.ie | uimhir fóin póca: +353 (0)87 947 7090
An Oifig Cumarsáide, Foras na Mara  ríomhphost: communications@marine.ie | uimhir ghutháin: +353 (0)91 387 200

 

Foras na Mara

Is é Foras na Mara gníomhaireacht eolaíochta na hÉireann atá freagrach as tacú le forbairt inbhuanaithe limistéar agus acmhainní muirí na hÉireann. Déanann an Institiúid taighde feidhmeach agus soláthraíonn sí eolas, comhairle agus seirbhísí eolaíochta don rialtas, don tionscal agus do pháirtithe leasmhara agus d'úsáideoirí eile. www.marine.ie